Trent Alexander-Arnold pritet të rikthehet shumë shpejt në fushë, ndërsa trajneri Álvaro Arbeloa llogarit tek ai, pavarësisht thashethemeve të fundit që e lidhën mbrojtësin anglez me një largim të mundshëm nga Real Madridi.
Sipas The Athletic, raportimet që pretendonin se Arbeloa nuk e sheh Trent si pjesë të projektit kanë rezultuar të pavërteta. Përkundrazi, trajneri po e konsideron si një lojtar të rëndësishëm dhe pritet ta ketë në dispozicion në vazhdim, sapo të jetë gati plotësisht.
Alexander-Arnold u transferua te Real Madridi në verën e vitit 2025, por deri tani nuk ka pasur shumë minuta në dispozicion. Në këtë sezon, ai ka zhvilluar 11 ndeshje në të gjitha kompeticionet dhe ka regjistruar 1 asist.
Ndërkohë, Real Madridi ndodhet aktualisht në vendin e dytë me 51 pikë pas 21 javësh, ndërsa në horizont ka një sfidë ndaj Benfica-s më 28 janar.
