Real Madridi po ndjek Ibrahima Konate si një opsion për të forcuar mbrojtjen, sipas Caught Offside.
Gjigantët e La Liga-s mbeten në merkato për përforcime në repartin e mbrojtjes që është goditur nga disa dëmtime.
Eder Militao është jashtë sezonit pasi pësoi një tjetër dëmtim në gju, ndërsa David Alaba vetëm së fundmi u kthye në gjendje të plotë.
Ndërkohë, austriaku, si dhe Antonio Rudiger, i kanë kaluar të 30-at dhe duhet të zëvendësohen së shpejti.
Los Blancos duket se kanë identifikuar Ibrahima Konaten si kandidatin ideal për të përforcuar ekipin.
Francezi ka luajtur në nivele të larta për Liverpoolin kohët e fundit, por kontrata e tij skadon në vitin 2026.
Paris Saint-Germain interesohet gjithashtu për Konate.
