Merkatoja e dimrit është në kulmin e saj, por Real Madrid nuk pritet të bëjë lëvizje për të përforcuar skuadrën gjatë kësaj periudhe.
Sipas José Félix Díaz, “Klubi Mbretëror” nuk ka në plan të nënshkruajë me asnjë lojtar në merkato dimërore. Edhe pse drejtuesit mund të zhvillojnë bisedime me disa futbollistë në këtë fazë, çdo transferim i mundshëm do të shtyhet për në verë. Hierarkia e klubit, sipas raportimit, nuk i beson merkatos së janarit, edhe pse ekziston nevoja për përforcime në disa pozicione.
Po ashtu, më herët është raportuar se bordi i Real Madridit nuk planifikon ta shkarkojë trajnerin. Drejtuesit besojnë se rezultatet e ekipit po përmirësohen dhe se klubi po punon së bashku me Xabi Alonso-n për të identifikuar pikat ku duhet ndërhyrë.
