Real Madrid e mbyll sezonin në La Liga me fitore, 1-0 përballë Real Sociedad, në një ndeshje me shumë emocione. Sot ishte ndeshja e lamtumirës për Luka Modric dhe Carlo Ancelotti-n, të dy do të largohen nga klubi madrilen pas sfidës së sotme.
Nuk munguan duartrokitjet e gjata si dhe banderolat falënderuese si për mesfushorin kroat, ashtu dhe për teknikun Italian. Si Modric dhe Ancelotti nuk i mbajtën dot lotët, po ashtu edhe tifozë të shumtë.
Përsa i përket ndeshjes, pjesa e parë u mbyll 1-0, falë golit të realizuar nga Kylian Mbappe nga pika e bardhë e penalltisë, e cila u fitua pas ndërhyrjes së VAR për një prekje të topit me dorë brenda zonës. Goditja e francezit u ndal nga portieri mik Marrero, por Mbappe u tregua i shkathët dhe e ktheu në rrjetë topin e pritur nga portieri i Sociedad.
Në minutën e 83-të ishtë sërish Kylian Mbappe, i cili vulosi fitoren me golin e dytë, pas një aksioni të bukur dhe asistit të Vinicius Junior. Në fund të ndeshjes, i gjithë stadiumi në këmbë për Luka Modric dhe Carlo Ancelotti-n.
