Marcus Rashford nuk do të vazhdojë aventurën te Barcelona. Klubi katalanas ka vendosur të mos aktivizojë opsionin e blerjes prej 30 milionë eurosh, të vendosur në marrëveshjen e huazimit me Manchester United.
Pas këtij vendimi, sulmuesi anglez do të rikthehet te “Djajtë e Kuq”, ku më pas do të vendoset e ardhmja e tij.
Rashford, i cili dëshironte të qëndronte te Barcelona, duket se e ka pranuar tashmë situatën e re. Në profilin e tij në Instagram, ai ka hequr çdo përmendje të klubit katalanas dhe tani shfaq vetëm faktin që është pjesë e kombëtares së Anglisë.
Gjithashtu, lojtari ka ndryshuar edhe foton e profilit. Më parë ai shfaqej me fanellën e Barcelonës, ndërsa tani ka vendosur një foto me fanellën e Anglisë.
E ardhmja e Rashford mbetet e hapur. Ai mund të qëndrojë te Manchester United ose të kërkojë një tjetër destinacion gjatë merkatos së verës, pas një sezoni pozitiv te Barcelona që gjithsesi nuk mjaftoi për të bindur drejtuesit katalanas.
Afrimi i Gordon ka mbyllur përfundimisht derën për qëndrimin e Rashford te Barcelona.
