Raphinha po përjeton sezonin më të mirë në karrierën e tij, braziliani po shkëlqen me fanellën e Barcelonës dhe momentalisht është një nga top 5 lojtarët më të mirë në botë.
Në një intervistë për “France Football”, Raphinha ka treguar se ka pasur oferta shumë tunduese sidomos nga klubet arabe, por dëshira e tij ka qenë gjithmonë të qëndrojë te Barcelona.
“Objektivi im ka qenë gjithmonë vetëm të luaj për Barcelonën. Kam ndjerë besimin e njerëzve në këtë klub, e di vlerën time dhe atë që mund t’i japë Barcelonës çdo ditë,”, tha ylli Brazilian.
Ndër të tjera, Raphniha zbuloi dhe bisedën e parë më Hansi Flick, pak pasi gjermani u zyrtarizua si trajner i Barcelonës.
“Pak pas zyrtarizimit, ai erdhi e më takoi dhe më tha se unë isha një nga lojtarët ku ai donte të mbështetej në projektin. Fakti që ma tha këtë gjë pa më njohur apo pa më parë ndonjëherë duke u stërvitur, më bindi që të qëndroja këtu dhe të isha i qetë për të ardhmen time”, shtoi ylli brazilian.
