Kreu i qeverisë shqiptare Edi Rama ka urauar 17-vjetorin e Pavarësisë së Kosovës.
Urimin, kreu i qeverisë shqiptare e ka bërë përmes një postimi në rrjetet sociale ku shkruan: Mirëmëngjesi Kosovë, Gëzuar pavarësinë dhe mbarësi gjithmonë.
Kosova u shpall e pavarur në Kuvendin e Kosovës, në orën 15:39, të dielën e 17 shkurtit 2008, ku u lexua Deklarata e Pavarësisë dhe nga ajo ditë 17-vjetori i pavarësisë e gjen si shtet të njohur nga rreth 117 vende të botës.
Në këtë përvjetor, janë organizuar aktivitete të ndryshme, duke përfshirë ceremoni zyrtare, koncerte dhe ekspozita, që festojnë progresin dhe zhvillimin e Kosovës gjatë këtyre 17 viteve.
Me kalimin e kohës, Kosova ka arritur një zhvillim të ndjeshëm në fusha të ndryshme, përfshirë infrastrukturën, arsimin, dhe marrëdhëniet ndërkombëtare.
