Kryetari i Partisë Demokratike, Sali Berisha, thotë se kryeministri Edi Rama është në panik, duke iu referuar deklaratave të sotme të këtij të fundit në lidhje me vendimin e Gjykatës Kushtetuese për lënien në fuqi të pezullimit të Belinda Ballukut si zëvendës kryeministre dhe ministre e Infrastrukturës dhe Energjisë pasi u vu nën akuzë nga SPAK.
Në një reagim në rrjete sociale, Berisha shprehet se Rama tha përpara qytetarëve në mënyrë të papërgjegjshme se do ta shpërfillë vendimin e Kushtetueses, duke shtuar se pretendimi i tij, që pezullimi i një ministri nga gjykata është rasti i parë në botë, është i pavërtetë.
“Ky është një mashtrim i madh sa vetë Edi Rama. Në rajon, në Europë dhe në botë, gjykatat kanë pezulluar jo vetëm ministra, por edhe kryeministra.”, shkruan kryedemokrati, duke shtuar se këtë vendim të Kushtetueses, Edi Rama e sheh jo thjesht si një goditje për vartësen Belinda Balluku por edhe për veten e tij.
Kryetari i Partisë Demokratike, Sali Berisha, thotë se kryeministri Edi Rama është në panik, duke iu referuar deklaratave të sotme të këtij të fundit në lidhje me vendimin e Gjykatës Kushtetuese për lënien në fuqi të pezullimit të Belinda Ballukut si zëvendës kryeministre dhe ministre e Infrastrukturës dhe Energjisë pasi u vu nën akuzë nga SPAK.
Në një reagim në rrjete sociale, Berisha shprehet se Rama tha përpara qytetarëve në mënyrë të papërgjegjshme se do ta shpërfillë vendimin e Kushtetueses, duke shtuar se pretendimi i tij, që pezullimi i një ministri nga gjykata është rasti i parë në botë, është i pavërtetë.
“Ky është një mashtrim i madh sa vetë Edi Rama. Në rajon, në Europë dhe në botë, gjykatat kanë pezulluar jo vetëm ministra, por edhe kryeministra.”, shkruan kryedemokrati, duke shtuar se këtë vendim të Kushtetueses, Edi Rama e sheh jo thjesht si një goditje për vartësen Belinda Balluku por edhe për veten e tij.
Deklarata e Ramës për vendimin e Gjykatës Kushtetuese:
Kryeministri tha, në podcastin e tij “Flasim” se Gjykata Kushtetuese nuk mundi dot që të gjente forcën për të mos lejuar sërish marrjen peng të qeverisë dhe se vendi u bë për herë të dytë brenda dy muajsh shembull i një “budallallëku botëror sepse gjykata “u mbyt me lugën e ujit të turbullt të tyre që Servantes në librin e tij të famshëm Don Kishoti i Mançës i quan arsyet e Mosarsyes.” Ai paralajmëroi se do ta vazhdojnë betejën kundër këtij vendimi. Sipas tij, me këtë “mosvendimmarrje” të gjykatës, edhe vetë presidenti i republikës mund të pezullohet “nga i pari prokuror që gdhihet me këtë ide në kokë.
“Ne do ta vazhdojmë këtë betejë, ku na thirri me pahir çartja antidemokratike e pezullimit të një anëtari qeverie dhe ku fatkeqësisht na mban akoma sot pafuqia e Gjykatës Kushtetuese për të marrë një vendim sa të thjeshtë, – është vendim shumë i thjeshtë se mjafton të marrësh shembull çdo vend të botës që do apo të gjithë vendet e botës bashkë dhe nuk do të gjesh dot një gjë të ngjashme, – por një vendim po aq dhe të nevojshëm për të mos e lënë Shqipërinë vendin e vetëm në planet, ku sot aktualisht me këtë brutalitet të rilegjitimuar nga kjo mosvendimmarrje vetë Presidenti i Republikës mund të pezullohet nga i pari prokuror që gdhihet me këtë ide në kokë.”, tha mes të tjerash Rama.
