Gjatë një konference për mediat me gazetarët, kreu i Partisë Demokratike, Berisha u pyet sot edhe në lidhje me foton që ka publikuar kryeministri Rama me Elmar Brok?
Pyetjes se si e komentonte urimin që ai i ka bërë Edi Ramës në lidhje me zgjedhjet e 11 majit, ndërkohë që Brok është një nga miqtë e tij edhe një nga mbështetësit e tij në fushatën e fundit elektorale, Berisha u përgjigj se urimi i Brok është një ironi.
“Ai mbetet mik dhe urimi i tij është ironi mos e pyet, ai është mik i shqiptarëve dhe votës së lirë të tyre”, u shpreh Berisha.
Ndërkohë, kryeministri Edi Rama është takuar në Gjermani me ish-kryetarin e komisionit të Jashtëm në Parlamentin Europian, Elmar Brok, i cili e ka uruar për fitoren në zgjedhjet e 11 majit. Në postim në “Facebook” Rama shkruante:
“Elmar Brok: Edi, urime! Eh, erdha përsëri në Tiranë të të vrisja, po ti sa herë unë vij të të vras ngjitesh më lart! Unë: Elmar, vetëm një gjë s’kam për të ta falur kurrë! Vjen në Tiranë dhe s’pi një kafe me mua, ndërkohë që unë të jam borxhli, sepse siç thoshte Niçja, “Çfarë s’të vret të bën më të fortë”! Plas e qeshura dhe përqafohemi si miq të vjetër”, shkruan Rama në “Facebook”.
