Kryeministri Edi Rama i ka kërkuar strukturave të Kavajës, Rrogozhinës dhe Vorës, që të marrin çdo votë për Partinë Socialiste.
Gjatë fjalës së tij në asamblenë e zhvilluar me këto struktura, Rama u shpreh se rezultati për PS do jetë i jashtëzakonshëm, edhe me votën e diasporës.
“Në momentin që hyjmë në BE, prona dyfishohet. Unë besoj se jemi shumë të qartë se çfarë duhet të bëjmë këto 60 ditë. Duhet të marrim çdo votë për PS. Mundësia që rezultati i arritur, shumë pozitive, të bëhet edhe më i thellë është reale. Keni bërë një punë shumë të mirë me votuesit në emigracion. Do bëhet një rezultat i jashtëzakonshëm. Ju falenderoj për punën që keni bërë. Të fokusoheni dhe të bëni maksimumin, që më 11 maj të realizojmë këtë gjë të madhe për Shqipërinë, për PS. Më 11 maj, ne duhet t’i prezantojmë atyre një Noc Rrok madhështor. Duhet të më ndihmoni që ta realizojmë këtë, t’u çojmë një Noc Rrrok aq madhështor, sa t’i thonë vetes çfarë bëmë.”, theksoi ai.
