Kryeministri Edi Rama ka përfunduar takimet me drejtuesit vendore dhe deputetët e qarkut në bashkinë e Durrësit. Ashtu si në Vlorë dhe Fier, Rama bëhet me dije se ka kërkuar dorëheqjen e të gjithë drejtorëve të bashkisë së Durrësit. Ai është parë i shoqëruar nga kryebashkiakja e Durrësit, Emirjana Sako dhe ministri Arbjan Mazniku.
Më herët gjatë ditës, kreu i qeverisë ishtë në Fier ku gjithashtu kërkoi dorëheqjen e drejtorëve të bashkisë si dhe drejtuesve të institucioneve të cilat nuk kanë përmbushur detyrën. Gjithashtu raportohet se ka shprehur kritika të ashpra për zaptimin e hapësirave publike.
Bashkia e Vlorës ishte e para që u përball me ultimatumet e kryeministrit, ku dhanë dorëheqjen 21 drejtorë të këtij institucioni. Vendimi i tyre erdhi një ditë pas takimit që kryeministri Rama pati për rreth 1 orë të enjten në këtë bashki, ku në qendër të kritikave ishte kryetari i Bashkisë, Ermal Dredha.
