Edi Rama, Kryetari i Partisë Socialiste, në takimin përmbyllës elektoral në Shkodër, ironizoi aritmetikën e demokratëve, duke komentuar fjalët e Berishës që përmendte Lamborghinin e Noizyt që kushton sa 50 mijë pensione.
Rama deklaroi se Lamborghini është i shtrenjtë, e dinë të gjithë, por siguroi që është shumë më pak se 6 milionë dollarët e paguar për lobimin e PD-së në SHBA.
Pjesë nga fjala e Ramës:
Se këtë pasaportën evropian do ua japim ne, si Shkodrën që ua mori bufi, që mbeti e fundit, për turp. Dhe që një herë i besuan këtij budallës këtu (për veten e tij) bashkë me Benetin, nga të pakta mbetje të riciklueshme të PD, dhe ja ku jemi sot….
Që kur unë kërkoja lirimin e të burosurve politikë, bufi thoshte që ky do të nxjerrë llumin e shoqërisë nga burgu. Po rezidencën e komunitetit Mysliman kush ja dha? Stadiumin kush ja bëri Shkodrës, a është Vllaznia një nga krenaritë?
Po teatrin Migjeni, kush i shpëtoi nga korenti aktorët? Hyje në Shkodër sikur hyje në Afganistan, ca ndërtime të tmerrshme që kam prishur unë tek Lana. Hyrja e Shkodrës ishin Lana e 2000-shit, sepse kaq është vizioni i kënetës. Si mundet të diskutojmë për këto në vitin 2025 kur ne jemi ulur në tavolinë me BE-në?
U deshën 10 vite përpjekje që ndërkombëtarët kur të na shohin të rrijnë drejt dhe të flasin me respekt, vlerësim dhe besim për ne. gjithë Europa zbret në 16 maj, nuk është parë ndonjëherë.
U kap me Lamborghinin e Noizyt. Dhe e krahasojnë me 50 mijë pensione. Po ju them se Lamborghini i tij kushton shumë më pak se 6 milionë dollarët se bëjnë për lobimin e “non-gratës”.
