“I thonë një fjale, “vdis pa të të dua”. Sa të paskan dashur e të paskan admiruar mor burrë i dheut!
Po edhe ata që s’të lanë shkop ndër rrota pa të vënë dhe gurë në kurriz pa të hedhur! Mezi ç’paskeshin pritur të ta tregonin dashurinë dhe adhurimin sapo ta merrnin vesh që nuk do ti hapësh më sytë.
More deri te ata që të kallën në burg duke të akuzuar si vjedhës dhe që erdhën të të vrasin në zyrë duke të mallkuar si vrasës, e që t’i lëshuan mbi fytyrë për vite e vite të tëra me radhë, tërë të zezat e gjuhës shqipe, – veç ta shije si t’i kanë qëndisur aq bukur fjalët e admiratës së tyre”.
Këto ishin fjalët e kryeministrit Edi Rama sot në lamtumirën për liderin historik të socialistëve, Fatos Nano. Por Sali Berisha nuk ka vonuar duke i kthyer një përgjigje përmes një videoje ku Nano akuzonte Edi Ramën disa vite më parë.
