Rafael Nadal ka njoftuar se po i jep fund një karriere të madhe tenisi, pas 22 fitoreve në Grand Slam.
Tenisti i madh spanjoll njoftoi se në fund të sezonit do të largohet nga raketa në moshën 38-vjeçare pasi nuk mund të luajë më pa kufi dhe pa kushte sportin që e bëri një nga sportistët më të mëdhenj në histori.
Vendimin e tij e ka bërë të ditur përmes një videoje në të cilën thotë:
“Jam këtu për të njoftuar se po tërhiqem nga tenisi profesionist. Realiteti është se kam pasur disa vite të vështira, veçanërisht dy të fundit. Nuk mendoj se mund të luaj më pa kufi.
Është padyshim një vendim i vështirë, që më mori shumë kohë për ta marrë. Në këtë jetë, çdo gjë ka një fillim dhe një fund. E konsideroj momentin e duhur për t’i dhënë fund karrierës .’
