Radhë të gjata automjetesh janë krijuar sot në pikën kufitare të Kapshticës, ku dhjetëra mjete presin të kalojnë drejt Greqisë pas disa ditësh pushimi për festën e njohur si “E Hëna e Pastër”.
Emigrantët, të cilët u kthyen pak ditë më parë në atdhe për të kaluar festën me familjet e tyre, po rikthehen në vendin fqinj, por fluksi i lartë ka shkaktuar vonesa në kufi.
Drejtuesit e mjeteve raportojnë se po presin rreth një orë për të kaluar. Sipas informacioneve, pala shqiptare po punon me pesë sportele, ndërsa pala greke ka hapur vetëm tre sportele, duke ngadalësuar procesin e kalimit.
Autoritetet po monitorojnë situatën, por pritet që fluksi të mbetet i lartë.
