Një njoftim nga aeroporti i Milanos ka shqetësuar udhëtarët, për shkak të një dështimi të radarit në qendrën e kontrollit të zonës së Milanos. Fluturimet në qiejt e Italisë veriperëndimore janë ndërprerë për disa orë ditën e djeshme, por vonesat vijojnë ende edhe sot.
Sea, kompania operuese e aeroportit që menaxhon aeroportin e Malpensës, e ka kounikuar këtë përmes një buletini zyrtar. Kjo ka çuar në vonesa serioze ose në disa raste edhe anulime të fluturimeve direkte jo vetëm drejt aeroportit në provincën e Vareses, por edhe drejt Torinos, Bergamos dhe Xhenovas.
Në shënimin zyrtar thuhej se “qiejt e qendrës së kontrollit të zonës së Milanos nuk janë të disponueshme deri në orën 18:00 të koordinuar me orën universale për shkak të një dështimi të radarit”.
Është një problem softuerik që do të kishte sjellë bllokimin e sistemeve kryesore të qendrës së kontrollit. Siç raportohet nga Corriere della Sera , Eurocontrol, agjencia evropiane që mbikëqyr lëvizjet në hapësirën ajrore të kontinentit, shpjegoi se dështimi do të ketë pasoja në fluturimet në të gjithë veriperëndimin italian .
Lëvizjet kanë filluar nga mesnata e sotme, por vonesa mund të regjistrohen edhe në fluturimet e planifikuara për këtë të hënë 21 tetor. Disa nga avionët që janë ngritur tashmë do të devijohen dhe do të ulen në Romë Fiumicino. Për të tjerët, mund të ndodhin edhe anulime.
