Një aksident i rëndë ka ndodhur sot në rrugën “Brigada VIII”, ku një punëtor ka humbur jetën gjatë punës në një objekt në ndërtim.
Sipas informacioneve paraprake, dyshohet se viktima, shtetasi i huaj V. N., rreth 48 vjeç nga Bosnja-Hercegovina, ka rënë nga lartësia teksa ishte duke punuar në një pallat në ndërtim. Si pasojë e dëmtimeve të marra, ai ka ndërruar jetë në vendngjarje.
Në vendin e ngjarjes ndodhet grupi hetimor, i cili po punon për sqarimin e plotë të rrethanave të ngjarjes dhe për identifikimin e shkaqeve që çuan në aksident.
Autoritetet pritet të japin më shumë informacion në vijim.
