Paris Saint-Germain dhe Bayern Munich përballen sonte në ndeshjen e katërt të fazës së ligës së UEFA Champions League, me fillim në orën 21:00. Kampionët në fuqi të Evropës presin një Bayern që po kalon një formë të jashtëzakonshme, me 15 fitore radhazi në të gjitha kompeticionet — një rekord historik për klubet e pesë ligave më të forta.
Skuadra e Vincent Kompany-t vjen e karikuar nga fitorja ndaj Leverkusenit, me Harry Kane në super formë: 22 gola dhe 4 asistime në sezonin 2025/26. Anglezi pritet të udhëheqë sulmin përkrah Luis Díaz dhe Michael Olise. Jamal Musiala mbetet jashtë, por ka filluar rikuperimin pas dëmtimit të rëndë kundër PSG-së në korrik.
Në anën tjetër, ekipi i Luis Enrique kryeson grupin në bazë të golave të shënuar. Pavarësisht mungesës së Désiré Doué dhe ndalimit të Illia Zabarnyi-t, parizienët mbeten të rrezikshëm me Hakimin, Vitinhan, Kvaratskhelian dhe Ramosin që vendosi me golin e minutës së 95-të fitoren e fundit në kampionat kundër Nicës.
Formacionet e mundshme:
PSG: Chevalier – Hakimi, Marquinhos (c), Pacho, Mendes – Neves, Vitinha, Zaïre-Emery – Barcola, Mayulu, Kvaratskhelia
Bayern: Neuer (c) – Boey, Tah, Upamecano, Laimer – Kimmich, Goretzka – Olise, Gnabry, Díaz – Kane
