Vendimi i qeverisë për bllokimiin e TikTok do të ndikojë drejtpërdrejt në miliona shqiptarë. Mijëra krijues përmbajtjesh që kanë ndërtuar komunitete dhe biznese të vogla në këtë platformë do të humbasin të ardhurat dhe audiencën e tyre. Po ashtu, bizneset do të humbasin një kanal të rëndësishëm për marketing dhe lidhje me klientët.
Qytetarët e zakonshëm do të privohen nga një burim i rëndësishëm informacioni praktik, këshillash për mirëqenie mendore dhe mbështetje sociale. Të rinjtë dhe votuesit do të humbasin një platformë kyçe për informacionin politik dhe social.
Në një vend ku TikTok ka mbi 1.5 milion përdorues dhe 35% e tyre janë të moshës 12-25 vjeç, ndalimi do të shkaktonte pasoja të gjera.
Ndalimi i TikTok rrezikon lirinë e shprehjes dhe të drejtën për informim, veçanërisht në prag të zgjedhjeve të 11 majit 2025. Ky veprim kërcënon të drejtat kushtetuese për edukim informal dhe mirëqenie mendore, duke eliminuar një platformë ku shqiptarët mund të mësojnë aftësi të reja dhe të gjejnë përmbajtje që ndihmon në lehtësimin e stresit të përditshëm.
Ekonomikisht, sektori digjital shqiptar do të pësojë dëme të mëdha. Ky ndalim krijon një precedent të rrezikshëm për censurën e mëtejshme dhe mund të izolojë Shqipërinë nga praktikat demokratike të Bashkimit Evropian dhe Shteteve të Bashkuara.
Kjo është një urgjencë! Me zgjedhjet që po afrohen, qeveria po nxiton të zbatojë këtë ndalim, kur transparenca është më e nevojshme se kurrë. Kundërshtimi i menjëhershëm është thelbësor për të parandaluar normalizimin e censurës digjitale. Ky moment do të përcaktojë të ardhmen e lirisë digjitale në Shqipëri dhe mbrojtjen e të drejtave tona themelore në epokën digjitale.
