Kreu i Partisë Demokratike Sali Berisha ka dalë nga selia blu dhe po i drejtohet Kuvendit, aty ku opozita do të mbajë protestën e radhës në orën 10:00.
Berisha është i shoqëruar nga mbështetës të tij dhe sekretari i përgjithshëm Flamur Noka dhe deputetë të PD.
Berisha do të jetë në krye të organizimit që PD do të zhvillojë brenda Kuvendit, ndërsa protestën jashtë, do e drejtojë Gazment Bardhi, i cili është përjashtuar nga Komisioni i Etikës.
Bashkë me të, është përjashtuar edhe deputeti Klevis Balliu.
PS e ka shprehur qartë qëndrimin e saj, rrëzimin e kërkesës së SPAK për heqjen e imunitetit të Belinda Ballukut. Kjo është edhe arsyeja, pse PD organizoi këtë protestë.
