Prokuroria e Tiranës ka kërkuar dënimin me 1 vit e 6 muaj burg për Princin Leka Zogu II, për incidentin e ndodhur pak muaj më parë në Oborrin Mbretëror. Dënimi konvertohet në 1 vit shërbim prove.
Po ashtu është kërkuar 6 muaj shërbim prove për ish-bashkëshorten e Princit, Elia Zaharinë dhe për babanë e saj, Gjergj Zaharinë, një vit shërbim prove.
Pas vendimit, Elia Zaharia reagoi për Euronews Albania, duke theksuar rëndësinë e përqendrimit në aktivitetet kulturore aktuale, si Panairi i Librit, ku ajo ka qenë prezente. E pyetur në lidhje me dënimin, ajo u përgjigj se nuk ka komente mbi çështjen, e cila mbetet ende në proces gjyqësor.
“Nuk kam asnjë koment për vendimin, pasi çështja është ende në gjykim dhe e respektoj procesin gjyqësor në heshtje,” tha Elia Zaharia.
