Ka nisur edhe ne qarkun e Lezhës procesi i votimit. Në pjesën më të madhe të qendrave kanë nisur të vijnë votuesit e pare, ndërsa gjithsej janë thirrur për të votuar 164,976 zgjedhës në listat dhe 14,700 nga diaspora. Në total janë 254 qendra votimi.
Në disa prej tyre ka dhe probleme. Konkretisht ne qendrën e votimit nr. 0731 në Pallatin e Kulturës në Lezhë nuk ka nisur ende procesi, pasi nuk funksionin padisja e skanimit te mjeteve te identitetit dhe pritet ndërhyrja e operatorit.
Ndërsa një Qendër Votimi në shkollën “Shyqyri Lakra” në Berat nuk ka drita.
Ende nuk ka nisur procesi i votimit, edhe pse qytetarët janë paraqitur për të votuar.
Në Sarandë ka nisur procesi i votimit me përjashtim të Qendrës së Votimit 4664 në qendër ku refuzohet të hapet procesi.
Kjo ndodhi pasi më afër se 150 metra ndodhet një poster i Agron Shehajt.
Është njoftuar KZAZ si dhe policia që të largohet posteri.
Ka nisur votimi edhe në qendrën numër 1302/00 në Fushë Krujë. Në 50 minuta janë paraqitur për të votuar 4 qytetarë.
Kjo qendër votimi ka në total 754 votues.
Pjesëmarrja deri më tani paraqitet e ulët, teksa deri më tani procesi paraqitet i qetë dhe pa problematika.
Një situatë e pazakontë është krijuar, pasi qytetari kërkon të votojë edhe për bashkëshorten, por nuk lejohet.
