Princi Andrew, i njohur për skandalet që e kanë larguar nga jeta publike britanike, duket se po përgatitet për një zhvendosje në Abu Dhabi. Sipas tabloidit britanik The Sun, ai do të jetojë në një pallat luksoz që ofrohet nga Sheikh Mohamed bin Zayed Al Nahyan, sundimtari i Emirateve të Bashkuara Arabe. Ky pallat, me një sipërfaqe prej 16,000 metrash katrorë, përmban gjashtë dhoma gjumi me banjo, pishinë, palestër, kinema dhe një kuzhinë të madhe me shefa të trajnuar në Cordon Bleu.
Rezidenca ndodhet brenda një kompleksi privat që përmban pesë pallate të tjera, ku jetojnë anëtarë të familjes mbretërore dhe ministra të qeverisë. Kompleksi është i rrethuar nga një gardh prej 9 metrash dhe ka dy hyrje me siguri të dyfishtë. Rojet e qeverisë kontrollojnë çdo automjet që i qaset kompleksit, ndërsa hyrja lejohet vetëm për banorë, mysafirë dhe stafin me leje të veçantë. Disa rezidenca kanë helipadë private dhe akses të drejtpërdrejt në plazhet e Gjirit Arabik, duke i ofruar Andrew-it mundësi për lëvizje të lehtë dhe të sigurt.
Andrew tashmë perfshin etiketa të padëshiruara në Mbretërinë e Bashkuar për shkak të lidhjeve të tij me Jeffrey Epstein dhe akuzave të tjera për abuzim. Historiani mbretëror Andrew Lownie, autor i librit “Ngritja dhe rënia e shtëpisë së Jorkut”, sugjeron se vendimi për t’u zhvendosur në Emirate është strategjik, duke marrë parasysh marrëdhënien e tij të ngushtë me Sheikh Muhammad bin Zayed Al Nahyan, e cila ka filluar që në vitin 2001.
Në vitin 2011, u zbuluan dhurata luksoze që familja mbretërore britanike kishte marrë nga familja sunduese e Emirateve, përfshirë bizhuteri për vajzën e tij, princeshën Beatrice. Në këtë mënyrë, Andrew po përpiqet ta rindërtojë jetën e tij jashtë vëmendjes së kritikave dhe skandaleve në Mbretërinë e Bashkuar, duke gjetur një mundësi të re në një vend të huaj.
