Klejvis Hoxha, i cili u raportua i humbur që prej të shtunës, është gjetur i vetëvarur në një pemë në zonën e Liqenit të Farkës.
Sipas burimeve nga policia, bëhet e ditur se pas një këqyrjeje paraprake të trupit, autoritetet konfirmuan se nuk u gjetën shenja dhune në trupin e 25-vjeçarit. Familjarët po e kërkonin Klejvisin prej ditësh, madje kishin kërkuar dhe ndihmën e qytetarëve.
Grupi hetimor ka nisur punën për të sqaruar të gjitha rrethanat e ngjarjes dhe për të zbuluar shkakun që shtyu 25-vjeçarin drejt këtij vendimi të rëndë.
Njoftimi i policisë:
Në vijim të informacionit të dhënë me datë 19.01.2025, për largimin nga banesa të shtetasit K. H., 25 vjeç, ju bëjmë me dije se:
Shtetasi K.H, është gjetur i vetëvarur në një pemë, në zonën e Liqenit të Farkës.
Nga këqyrja paraprake nuk janë konstatuar shenja dhune.
Grupi hetimor po punon për sqarimin e plotë të rrethanave të ngjarjes.
