Kreu i Partisë së Lirisë, Ilir Meta u arrestua mesditën e sotme me urdhër të SPAK, rreth 1 orë para se ai të shfaqej në një konferencë të njoftuar për mediat.
Meta u arrestua në vendin e njohur si Kthesa e Kamzës, teksa policia e Shtetit në një njoftim tha se Meta ka kundërshtuar vendimin e Gjykatës dhe ka fyer agjentët, duke justifikuar në këtë mënyrë nxjerrjen forcërisht nga automjeti të Presidentit të Partisë së Lirisë.
Fillimisht Ilir Meta u shoqërua në Drejtorinë e Policisë së Tiranës dhe rreth orës 15:00 u transferua në atë që njihet si blloku i sigurisë, në rrugën Mine Peza.
Ndërkohë, avokati Genc Gjokutaj dhe djali i ish-Presidentit kanë qenë të parët që kanë shkuar për të takuar Metën.
