Një shtetas shqiptar është arrestuar në flagrancë ditën e djeshme në Itali.
Shqiptari 40-vjeçar është arrestuar pasi përdhunonte partneren e tij. Denoncimi është bërë nga vetë partnerja e shqiptarit më 25 janar, ku është paraqitur në komisariat me shenja dhune në fytyrë.
Ajo është shprehur se ai ka ushtruar gjithmonë dhunë ndaj saj, pasi ishte përdorues i rregullt i lëndëve narkotike. Sipas mediave italiane ata janë takuar në një hotel, ku burri e ka mbajtur të mbyllur për disa orë dhe e ka detyruar të kryente marrëdhënie seksuale.
Nga hetimet e kryera nga policia, është zbuluar se ndaj viktimës është përdorur dhunë sistematike prej disa kohësh si dhe i kishte marrë 20 mijë euro.
Ndër të tjera, gjatë akteve seksuale që ata kryenin ai e detyronte të bënin video, ku më pas i përdorte për t’i shitur. Partneri i saj ka rënë ditën e djeshme në gjurmët e policisë dhe për pasojë ai është në burg.
Sakaq, Autoriteti Gjyqësor është duke punuar për zbardhjen e plotë të rrethanave.
