Policia e Shtetit ka reaguar lidhur me incidentin që ndodhi mbrëmjen e djeshme pas përfundimit të ndeshjes mes Dinamos dhe Jagiellonias së Polonisë, ku huliganët mbështetës së kësaj të fundit, u rrahën në rrugët e Tiranës dhe autobusi i tyre u sulmua me flakadanë në afërsi të Rinasit.
Policia thotë se ka identifikuar 5 shtetas si autorë të sulmeve, prej të cilëve 3 janë arrestuar dhe 2 janë proceduar në gjendje të lirë.
Në pranga kanë përfunduar shtetasit me inicialet A. M., 32 vjeç, K. S., 29 vjeç dhe Sh. S., 30 vjeç, ndërsa janë referuar në prokurori materialet hetimore ku nisi procedimi penal për 2 shtetas të mitur 17 vjeç.
Të gjithë këta shtetas akuzohen se pas mesnate, në aksin rrugor “Qafë Kashar – Rinas”, kanë penguar qarkullimin e automjeteve dhe kanë gjuajtur me sende të forta, 3 autobusë që transportonin tifozët ekipit ti Jagiellonias.
Hetimi vazhdon për të identifikuar persona të tjerë të përfshirë në rrahjen e tifozëve.
Pavarësisht gjithëçkaje, asnjë nga tifozët nuk është ndaluar nga Policia për përdhosjen turpëruese që i bënë shtatores së Heroit Tonë Kombëtar, Gjergj Kastriot Skënderbeu në qendër të Tiranës. Huliganët Polakë, pro-serbë dhe anti-shqiptarë, u tallën me heroin tonë. Kjo irritoi tifozët, të cilët duke parë mosreagimin e institucioneve, vepruan vetë.
Për ironi, ata që u arrestuan janë djemtë të cilët mbrojtën nderin e figurës sonë më të rëndësishme historike, ndërsa huliganët u lanë të lirë.
