Policia e Durrësit ka reaguar mbi ngjarjen kriminale që tronditi qytetin bregdetar gjatë orëve të para të mëngjesit.
Përmes një njoftimi zyratr, policia sqaron se ngjarja ka ndodhur në lagjen nr.18 ndërsa 29-vjeçari Ermir Dedja ka ndërruar jetë në spital.
Në vendngjarje kanë shkuar forcat e policisë ku po bëhet krehja e zonës dhe kontrolle me qëllim dentifikimin dhe kapjen e autorëve.
Burime të pakonfirmuara treguan se ishin disa persona me maskë të cilët qëlluan për vdekje 29-vjeçarin dhe më pas u larguan me makinë.
Mësohet se Ermir Dedja ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor në plagosje, gjithashtu rezulton me precedent të mëparshëm penal për trafikim të lëndëve narkotike.
Njoftimi zyrtar i policisë:
Në orët e para të mëngjesit në lagjen nr. 18 Durrës, në rrethana ende të pa qarta është qëlluar me armë zjarri shtetasin E. D., 29 vjeç, i cili ka humbur jetë në spital.
Në vendngjarje kanë shkuar shërbimet e Policisë dhe po bëhet krehja e zonës dhe kontrolle për identifikimin dhe kapjen e autorit/ve.
Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
