Autori 24-vjeçar i plagosjes me thikë në zonën e Yzberishtit është arrestuar mbrëmjen e sotme. Mësohet se Aleks Petro është vënë në pranga pasi pasditen e sotme ka qëlluar me thikë Eduart Rrapin, pasi ky i fundit kishte një lidhje me mamanë e autorit. 53-vjeçari ndodhet në spital jashtë rrezikut për jetën.
Njoftimi i Policisë:
Tiranë Specialistët për Hetimin e Krimit në Komisariatin e Policisë nr 6, bënë arrestimin në flagrancë të shtetasit A. P., 24 vjeç, banues në Tiranë. Arrestimi i këtij shtetasi u bë pasi gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën. Materialet procedurale do ti kalojnë Prokurorisë për veprime të mëtejshme.
