Një person është goditur me thikë paraditen s sotme në qytetin e Shkodrës. Ngjarja mësohet të ketë ndodhur pranë teatrit “Migjeni”. Bëjhet me dije se i plagosur ka mbetur këngëtari Ademir Fresku, i cili ndodhet jashtë rrezikut për jetën.
Ende nuk dihen arsyet e krimit, por policia ndodhet në vendin e ngjarjes dhe po punon për kapjen e autorit.
Njoftimi i policisë së Shkodrës:
Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.
Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën.
Shërbimet e Policisë po vijojnë kontrollet për kapjen e shtetasit Gj. B.
Grupi hetimor, në drejtimin e Prokurorisë, po punon për zbardhjen e rrethanave të rastit.
