Fituesi i zgjedhjeve parlamentare në Hungari, Péter Magyar, ka njoftuar se vendi do të rikthehet në Gjykata Penale Ndërkombëtare dhe do të zbatojë urdhër-arrestet e saj, përfshirë edhe atë ndaj Benjamin Netanyahu.
Ky qëndrim vjen pas ndryshimit të kursit nga qeveria e mëparshme e Viktor Orbán, e cila kishte vendosur të tërhiqte Hungarinë nga kjo gjykatë.
Vendimi për largim pritej të hynte në fuqi në qershor të vitit 2026.
Pas fitores në zgjedhjet e 12 prillit, Magyar bëri të ditur se Hungaria do të ndalojë këtë proces dhe do të vazhdojë të jetë pjesë e Gjykatës.
Ai ka ftuar gjithashtu Netanyahun për një vizitë në Budapest në tetor, në kuadër të 70-vjetorit të kryengritjes së vitit 1956.
I pyetur për këtë situatë, ai sqaroi se ftesa është dërguar në kuadër të kontakteve me liderë të ndryshëm. Sipas tij, çdo shtet që është pjesë e Gjykatës ka detyrimin të zbatojë vendimet e saj nëse një person i kërkuar hyn në territorin e tij.
Ndërkohë, bashkëpunëtorët e tij po shohin mënyrat ligjore për të ndalur procesin e tërheqjes nga Gjykata para afatit të caktuar.
Gjykata Penale Ndërkombëtare, me seli në Hagë, ka lëshuar një urdhër-arresti ndaj Netanyahut për krime lufte dhe krime kundër njerëzimit në Gaza.
Seanca e parë e parlamentit të ri hungarez pritet të mbahet më 9–10 maj, ku Magyar do të marrë edhe mandatin si deputet.
