Të gjithë e njohim atë ndjesinë e këndshme kur shtrihemi në një shtrat me çarçafë të pastër e të sapo larë. Por, edhe pse çarçafët mund të jenë të pastër, kjo nuk do të thotë se edhe dysheku është i tillë. Shumë njerëz nuk e kanë pastruar asnjëherë dyshekun e tyre, dhe po të dinin çfarë grumbullohet aty, nuk do të hezitonin ta bënin.
Ekspertët e shëndetit këshillojnë që dysheku të pastrohet të paktën dy herë në vit, për të garantuar një gjumë të shëndetshëm dhe larg mikrobeve.
Çfarë fshihet në dyshekun tuaj?
Trupi i njeriut humb miliona qeliza të lëkurës çdo orë. Pjesa më e madhe mbetet mbi çarçafë, por një pjesë depërton në fibra dhe përzihet me djersën, duke u grumbulluar në dyshek. Ky kombinim krijon një mjedis ideal për pluhur, baktere dhe myk.
Nëse zgjoheni shpesh me hundë të bllokuara, sy të irrituar apo kruarje, kjo mund të jetë shenjë që mikroorganizmat në dyshek po ndikojnë në shëndetin tuaj.
Një fakt i habitshëm
A e dinit se pasha e dyshekut mund të dyfishohet brenda 10 viteve? Kjo ndodh për shkak të grumbullimit të flokëve, qelizave të lëkurës, baktereve dhe pluhurit. Tingëllon shqetësuese, por lajmi i mirë është se pastrimi i dyshekut është më i thjeshtë sesa mendoni.
Edhe nëse nuk e çoni dot në pastrim profesional, ka mënyra të thjeshta për ta bërë vetë në shtëpi, duke i dhënë dyshekut freskinë dhe higjienën që meriton.
