Rihapja këtë fundjavë e KatedralesNotre-Dame do të përfshijë një sërë ceremonish për t’i dhënë frymë katedrales ikonike dhe për të festuar rimëkëmbjen nga zjarri shkatërrues në 2019.
Ceremonia do të fillojnë në orën 19:00 me orën lokale. Presidenti francez Emmanuel Macron do të mbajë një fjalim përpara katedrales, e cila u shkatërrua nga një zjarr i vitit 2019.
Kryepeshkopi i Parisit Laurent Ulrich më pas do të drejtojë shërbimin e parë të plotë brenda Notre-Dame.
Mbrëmja do të përfundojë me një koncert televiziv me muzikë nga pianisti kinez Lang Lang, këngëtarja e operës afrikano-jugore Pretty Yende dhe ndoshta këngëtari dhe stilisti amerikan Pharrell Williams, i cili përflitet gjerësisht se do të performojë.
Princi William i Britanisë dhe presidenti ukrainas Volodymyr Zelensky i janë bashkuar listës së të ftuarve VIP, të cilët do të marrin pjesë në ceremoninë e rihapjes të shtunën. Presidenti i zgjedhur i SHBA-së, Donald Trump do të marrë pjesë gjithashtu.
Të dielën, mesha e parë me 170 peshkopë dhe më shumë se 100 priftërinj të Parisit do të zhvillohet në orën 10:30 me orën lokale, e ndjekur nga një shërbim i dytë në mbrëmje në orën 18:30, i cili do të jetë i hapur për publikun dhe do të marrë pjesë Macron.
Rreth 2,500 bileta për meshën publike u rezervuan brenda pak orësh kur u vunë në dispozicion të martën përmes aplikacionit telefonik të katedrales.
