Është përshkallëzuar situata nga zjarri në tregun e rrobave në zonë e “5 Majit” në Tiranë. Raportohet se flakët e zjarrit janë bërë më intensive dhe janë afruar pranë banesave të zonës.
Për shkak të rrezikut nga përhapja e zjarrit dhe tymit të dendur, banorët e pallateve përreth janë evakuuar nga banesat e tyre.
Dhjetëra qytetarë, mes tyre edhe tregtarë që shesin në këtë treg ndodhen në vendngjarje dhe po ndjekin nga afër situatën që nga pamjet duket dramatike.
Rreth 15 automjete zjarrfikëse dhe 70 trupa personel që po punojnë për shuarjen e flakëve.
