Tensione të forta raportohen nga një qendër votimi në kryeqytet. Burime për mediat bëjnë me dije se demokratët kanë njoftuar Policinë e Shtetit duke pretenduar se pranë shkollës “Petro Nini” socialistët kanë ngritur një qendër elektorale të pa deklaruar më herët në Komisionin Qendror të Zgjedhjeve.
Burime për mediat bëjnë me dije se në këtë ambient me xham të padukshëm, demokratët pretendojnë se është një zyrë elektorale e PS, ku më herët thonë se kanë qenë drejtues të lartë të Partisë Socialiste me listat e votuesve duke dhënë porositë dhe detajet e fundit para përfundimit të orarit të votimit.
Mësohet se në këto ambiente është futur Belind Këlliçi dhe Sali Lusha, të cilët janë duke zhvilluar një takim me socialistin, Erion Braçe.
Ndërkohë, jashtë ambienteve të kësaj zyre e cila pretendohet se është një zyrë elektorale, ndodhen forca të shumta policie si dhe demokratë, si Adriana Kalaja dhe Tedi Blushi.
VIDEO E PUBLIKUAR NGA PD
