Protesta që nisi kundër projektit në Zvërnec ka nisur me tensione dhe përplasje mes qytetarëve dhe forcave të policisë në qendër të Tiranës.
Protestuesit kanë arritur të çajnë kordonin e policisë të vendosur në rrugën “Dëshmorët e Kombit” përpara godinës, ndërsa gjatë tubimit kanë kërkuar edhe dorëheqjen e kryeministrit Edi Rama.
Situata është përshkallëzuar më vonë, kur policia ka përdorur ujë për të shpërndarë turmën. Pavarësisht ndërhyrjes së forcave të rendit, protestuesit kanë depërtuar përtej kordonit dhe kanë vijuar marshimin e tyre.
Ndërkohë policia është tërhequr dhe ka lejuar vazhdimin e protestës para kryeministrisë.
Protesta po zhvillohet nën thirrjet për dorëheqjen e kryeministrit.
