Kryedemokrati Sali Berisha ka reaguar në lidhje me situatën e tensionuar mbrëmjen e djeshme në Komisionin Hetimor, pas hyrjes së ish-ministrit Ilir Beqaj në sallë. Përmes një postimi në rrjetin e tij social “Facebook”, Berisha e konsideron një skenar banditesk të Edi Ramës.
Në reagimin e tij teksa e konsideron “bandit”, Berisha thotë se Beqaj shau dhe ofendoi deputetët e opozitës me qëllim largimin e tyre nga salla. Por kjo sipas Berishës, rezultoi një skenar i dështuar pasi komisioni vazhdoi punimet.
“Miq, sipas një skenari banditesk të Edi Ramës, hajduti Beqja futet brutalisht paautorizuar në sallën e komisionit hetimor për vjedhjen e dytë të shekullit, i lejuar nga policia e burgjeve dhe garda, shan dhe kërcënon si bandid deputetët e opozitës me shpresë se ata do iknin dhe ai do pyetej vetëm nga bashkëhajdutët e tij rilindas. Por skenari i hajdutëve dymetrosh dështoi. Komisioni vazhdoi punimet dhe hajdutët dolën lakuriq para shqiptarëve. #sb”
