Policia e Lezhës ka arrestuar drejtuesin e furgonit, i cili një ditë më parë (3 janar 2025) përplasi për vdekje 56 vjeçarin në aksin rrugor Lezhë-Milot, pranë mbikalimit të Ishull-Shëngjinit.
Mark Macaj akuzohet për “Shkelje të Rregullave” të qarkullimit rrugor, pasi nga hetimet paraprake dyshohet se furgoni është futur në parakalim, duke sjellë dhe përplasjen e fortë me motoçikletën.
Për shkak të plagëve të marra Pavlin Ndoj ndërroi jetë në spitalin e Lezhës.
Ky ishte aksidenti i parë që ndodh për vitin 2025 në rrugët që përshkojnë qarkun e Lezhës, ndërsa superstrada Lezhë-Laç është një prej akseve më problematike sa i përket aksidenteve rrugore, ku përgjatë viteve numërohen dhjetëra të tillë, me viktima dhe të plagosur.
