Një aksident i frikshëm ajror ka ndodhur në Francë ku dy avionë luftarakë Alpha Jet u përplasën pranë bazës ajrore Saint-Dizier 113 gjatë një prove.
Fatmirësisht dy pilotët dhe një pasagjer shpëtuan dhe ndodhen në spital jashtë rrezikut për jetën.
Siç është raportuar, një nga avionët e përfshirë në aksident është përplasur me një kapanon, duke shkaktuar zjarr.
“Shërbimet e urgjencës janë mobilizuar dhe koordinimi ndërmjet Ministrisë së Brendshme dhe Ministrisë së Forcave të Armatosura është siguruar”, theksoi Ministri i Forcave të Armatosura Sebastien Lecornou.
