Një Xhami është përfshirë nga zjarri në orët e para të mëngjesit të sotëm. Sipas informacioneve paraprake mësohet se zjarri ka rënë në xhaminë në Shupenzë të Bulqizës.
Burime për mediat bëjnë me dije se si pasojë e flakëve ka pasur vetëm dëme materiale, ku është djegur çatia dhe orenditë brenda xhamisë.
Fatmirësisht në kohën kur dhe ndodhi ngjarja nuk ka pasur besimtarë dhe hoxha kishte vetëm disa minuta që ishte larguar. Policia ndodhet në vendin e ngjarjes dhe po punon për zbardhjen e plotë të shkaqeve.
