Një banesë në Fier në lagjen “15 Tetori” është përfshirë nga flakët mbrëmjen e sotme. Siç shihet edhe në foto flakët kanë përfshirë katin e tretë të pallatit katërkatësh, duke shkaktuar edhe panik tek banorët.
Ndërkohë në vendngjarje kanë mbërritur menjëherë dy zjarrfikëse, të cilat po punojnë për izolimin e flakëve. Fatmirësisht nuk raportohet për persona të lënduar. Megjithatë ende nuk dihen shkaqet e se përse banesa u përfshi nga flakët.
