Për të 29-ën herë me radhë ka dështuar seanca për konstituimin e Kuvendit, e cila vazhdon të ngelet në pikën për zgjedhjen e kryetarit të Kuvendit.
Dështoi edhe sot përpjekja që të ndërrohet votimi nga i hapur në të fshehtë. PDK, LDK, AAK dhe Lista Serbe nuk propozuan anëtarë për komisionin që do ta mbikëqyrte votimin e fshehtë.
Në sallë ishin të pranishëm 102 deputetë, por vetëm 53 morën pjesë në votim. Të gjithë votuan pro, ndërsa për kundër dhe abstenim nuk ka pasur.
Seanca e radhës është caktuar për më 11 qershor, në orën 11:00
