Partia Demokratike bojkoti sot pocesin e votimit për zgjedhjen e kryetarit të ri të Kuvendit të Shqipërisë, duke futur në kutitë e votimit postera “MCGonidal” apo imazhe të Safet Bajrit si një pasqyrim i akuzave të opozitës për një qeveri të lidhur ngushtë me krimin.
Por, njëri prej demokratëve, përkatësisht deputeti Tritan Shehu mori pjesë në votim. Në dalje të Kuvendit, Berisha në prononcimin për media, u shpreh se Shehu mund të mos ketë kuptuar mesazhin e dërguar në whatsapp për të mos marrë pjesë në proces, por kjo do të mbetet për tu sqaruar.
“Do më jepni mundësinë të bisedoj me zotin Shehu se cila ishte arsyeja. Dua që zoti Shehu të më sqarojë, se ‘whatsapp’ që i është dërguar grupit të mos jetë kuptuar”, u shpreh Berisha.
Të tjerë opozitarë që morën pjesë në procesin e votimit ishin dhe Ana Dajko e Shqipëria Bëhet si dhe Erald Kapri i Partisë Mundësia.
