Presidenti amerikan Joe Biden bëri paraqitjen e tij të parë publike pas lajmit se po trajtohet për kancer të prostatës. Ai mori pjesë në ceremoninë e diplomimit të nipit të tij, Robert Hunter Biden II, të mbajtur të premten në Shkollën Salisbury në Connecticut.
Në fotot e publikuara në Instagram nga bashkëshortja e tij Jill Biden dhe vajza Ashley, Biden shfaqet i buzëqeshur përkrah familjes. Ai duket i qetë dhe i lumtur pranë bashkëshortes, ndërsa festojnë këtë arritje të nipit të tij, djalit të të ndjerit Beau Biden.
“Gjyshe dhe gjysh krenarë! Urime Hunter, jemi shumë krenarë për ty”, shkroi Jill Biden në një nga mbishkrimet që shoqëronin fotot, duke ndarë një moment të ngrohtë dhe familjar me ndjekësit.
