Papa Françesku në Vigjiljen e Pashkëve, na bën thirrje që të jemi ndërtues dhe lajmëtarë të shpresës, në një kohë kur mbi njerëzimin fryjnë ende erëra vdekjeje.
Ai thekson rëndësinë e “fjalëve”, “zgjedhjeve të frymëzuara nga Ungjilli” dhe “gjesteve të vogla të përditshme” si mënyra konkrete për ta jetuar këtë shpresë.
“E gjithë jeta jonë mund të jetë një prani shprese. Ne dëshirojmë të jemi pikërisht kjo për të tjerët”, shkruan Papa në predikimin e lexuar nga kardinali Giovanni Battista Re.
Ftesa e tij drejtohet “për ata që janë përkulur nga barra e jetës, për ata që janë dorëzuar, për të varfërit dhe të shtypurit e botës, për gratë e vrara dhe të poshtëruara, për çdo fëmijë të palindur dhe për viktimat e luftërave, për të gjitha viktimat tona”.
“Shpresa e Pashkëve” – është mesazhi i Papa Françeskut.
