E gjithë vëmendja është tashme te Samiti i NATO-s në Hagë, i cili mblidhet në një periudhë mes përshkallëzimit të armiqësive në Lindjen e Mesme dhe luftës së vazhdueshme ruso-ukrainase, veçanërisht për shkak të pranisë së presidentit të Shteteve të Bashkuara të Amerikës, Donald Trump.
Trump mbërriti të martën vonë pasdite (24/6) në Hagë dhe që nga lëvizjet e tij të para duket se po shijon momente suksesi, pasi njoftoi dhe arriti me dhëmbë e thonj të ruajë armëpushimin midis Izraelit dhe Iranit.
Në fakt, në postimin e tij pak para se të hipte në aeroplanin që e çoi në Hagë, ai iu referua armëpushimit:
“Si Izraeli ashtu edhe Irani donin njësoj të ndalonin luftën”, shkroi ai.
“Ishte nder i madh për mua të shkatërroja të gjitha objektet dhe kapacitetet bërthamore (të Iranit) dhe pastaj të ndaloja luftën!” shtoi ai.
“Irani i gatshëm të zgjidhë problemet me SHBA-në”
Në të njëjtën kohë, presidenti iranian Masoud Pesekzhian tha të martën pasdite (24/6) se Teherani është gati të zgjidhë çështjet me Shtetet e Bashkuara, bazuar në kornizat ndërkombëtare, në deklaratat që bëri gjatë një bisede telefonike me Princin e Kurorës Saudite Mohammed bin Salman, raportoi agjencia zyrtare iraniane e lajmeve IRNA.
