Në ditën e saj të lindjes, Sara Gjordeni ka marrë urime të shumta nga fansat, miqtë dhe familjarët. E sigurisht nuk mund të mungonte urimi nga bashkëshorti i saj, Bardhi.
Në postimin e tij në rrjetet sociale, këngëtari i njohur shprehet se është i bekuar që ka Sarën në jetën e tij. Gjithashtu shpreh dëshirën që në ditëlindjen tjetër, vajza e tyre Nea të ketë një vëlla.
Moderatorja e ka postuar urimin e partnerit të saj dhe bashkëngjitur me të shkruan se gjithçka është ‘ok’, por me pjesën e fundit duket se nuk është edhe aq dakord.
“Gjithçka ok ri te pjesa e fundit e fjalisë…”, shkruan Sara në postimin e saj në “Instastory”.
Kujtojmë se Sara Gjordeni dhe Bardhi u njohën dhe krijuan një lidhje teksa ishin pjesë e reality show-t më të ndjekur në Shqipëri, “Big Brother VIP 3”. Teksa shumë ishin skeptikë për romancën e tyre, ata u treguan të gjithëve se sa e fortë ishte dashuria e tyre.
Sara dhe Bardhi janë të martuar dhe kanë së bashku një vajzë, Nea.
