Një lojë e nisur mes Gjestit dhe Eglit përfundoi me një përplasje tjetër mes tyre.
Teksa banorët flinin në dhomën e gjumit, Gjesti vendosi t’i ngacmonte duke u hedhur miell, përfshirë këtu edhe Eglin.
Kjo e fundit, për t’i kthyer “hakun”, shkoi ta ngacmonte me leckë në dorë, teksa të dy nisën të luanin dhe të qeshnin, deri në momentin që Gjesti ia vendosi Eglit leckën në fytyrë.
Sakaq, mes tyre nisi një debat i fortë.
Egli: E para nuk isha fare iniciatore e asaj loje (duke iu referuar lojës me miell) dhe e dyta, me ty s’jam marrë fare! I kam hedhur vetëm Jozit tek krevati. Kam ardhur madje të kam mbuluar para se të niste loja.
Gjesti: Faleminderit po të them
Egli: Ik ore, ku di faleminderit ti! Ti do keq shoku, ti ato që të bëjnë keq do!
Duket se kjo frazë ishte një kunjë e Eglit në lidhje me Xhenetën, pasi jo pak herë nëpër rrjetet sociale është thënë se Gjesti kishte ndjenja për Xhenetën që sillej keq me të, sesa për Eglin që i sillej mirë.
Pas kësaj Gjesti po fliste në oborr pas largimit të Eglit, tek po shprehej se kjo e fundit ka ardhur kundër tij duke përdorur gjërat që ka parë jashtë.
