Leandro Paredes ka reaguar ndaj dënimit me 10 ndeshje pezullim që mori pas përplasjes së madhe në finalen e Botërorit mes Argjentinës dhe Spanjës.
Mesfushori i Boca Juniors e konsideron vendimin të tepruar dhe ka vënë në diskutim edhe diferencën me dënimin e Gavit.
“Më duket e ekzagjeruar. Ajo që është gjithashtu e çuditshme është se Gavi mori vetëm një ndeshje, ndërkohë që ishte ai që më goditi në gjoks”, deklaroi Paredes.
32-vjeçari konfirmoi se do ta apelojë vendimin e FIFA-s, me shpresën që pezullimi të reduktohet.
“Duhet ta apelojmë dhe të shohim nëse mund ta ulin. Për mua është i tepruar dhe shpresoj që të reduktohet”, shtoi ai.
