Ditën e sotme, moti do të mbizotërojë i kthjellët dhe me temperatura të larta gjatë gjithë paradites. Megjithatë, orët e pasdites do të sjellin një shtim të vranësirave në pjesën më të madhe të territorit.
Vranësirat më të dukshme do të shfaqen në zonat Verilindore, duke sjellë dhe pika shiu. Ndërkohë, në orët e vona të natës, parashikohet që kushtet atmosferike të përmirësohen në të gjithë vendin.
Temperaturat e ajrit do të pësojnë një rënie të lehtë gjatë mëngjesit, ndërsa edhe në mesditë do të ketë një ulje të vogël të tyre. Temperaturat do të variojnë nga 7°C, e cila pritet të jetë temperatura më e ulët në qytetin e Peshkopisë, deri në 30°C, që është vlera më e lartë përgjatë Ultësirës Perëndimore.
Era do të fryjë me shpejtësi deri në 25 km/h, kryesisht nga drejtimi Perëndimor, duke krijuar dallgëzim të papërfillshëm në brigjet detare.
